小龍焱老火鍋 (Closed)

以傳統宮廷風裝演，好有特色，主打正宗麻辣火鍋，亦有多款清湯鍋底，食物選擇多元化～而且好多食材可以選擇小份，即使兩個人都可以試多啲唔同嘅嘢食，醬料茶位每人$23，醬料自助、提供麥茶及蔬果任食！今日嘅蔬果係甜橙及蕃茄仔～鴛鴦鍋 ，分別揀咗不含牛油麻辣湯底及猪骨湯，麻辣湯底小辣唔算太辣，好香好夠味🌶️ 猪骨湯底清甜，有少少藥材味，仲有兩嚿猪骨，啲肉都可以食九宮格拼盤，可以一次過品嘗到9款食材😍蝦、桂花蚌、巴沙魚、海帶苗、毛肚、鵝腸、鮮鴨血、黃喉、牛肉丸，全部食材都好新鮮😋第一次食到鮮鴨血，口感好嫩滑，又入味～精品肥牛，肥瘦適中，配搭麻辣湯底，唔錯呢手工豆皮 小份，豆味香濃，口感煙韌，吸曬啲湯汁，十分惹味😋午餐肉，半份都好多塊，用嚟打邊爐真係好好食蔬菜拼盤 ，分別有娃娃菜、油麥菜、生菜及粟米，新鮮嫩綠，兩個人食剛剛好轟炸饅頭，一碟有6個，炸到外脆裏嫩，點埋煉奶真係好好食，一啲都唔油🫶🏻哈爾濱啤酒 ，食麻辣火鍋，唔少得要叫返枝凍啤酒🍻