ROYAL INN

金色嘅拱門、鑽石嘅吊燈、華麗嘅噴泉，再加上黑白格仔地板～成個裝修都係女仔好鍾意嘅法式古典宮廷風😍咁嘅裝修唔講唔知以為去咗啲好高級嘅餐廳咁，但係呢間嘢其實只係喺銅鑼灣皇室堡，價錢亦都唔貴，百零蚊已經有碟意粉，擺得靚靚，可謂睇得又食得！法式大蒜蘑菇忌廉烤雞大推嘅蘑菇忌廉汁，醬汁同平時嘅白酒忌廉完全唔同，芥末忌廉帶點兒蒜香，配埋烤得香脆嘅麵包，簡直係天上美食！烤雞焗到啱啱好，外皮非常香脆，一咬落去入邊仍然保持住肉汁。而且仲有超多配料，連蔥都有三款，全部都烤得好好食。蟹肉忌廉汁扁意粉蟹肉份量極多，一絲絲嘅蟹肉食落完全冇腥味，而且有時仲會見到一兩舊蟹殼，似係手工自己撕出嚟。醬汁同蟹肉融為一體，形成好濃稠嘅醬汁，配搭意大利粉一流。燒三文魚香草忌廉手工戒指意粉三文魚烹調得啱啱到位，外皮香脆而肉質仍然保持嫩滑。戒指意粉保持al dante，獨特嘅形狀令佢亦特別掛汁，加埋啲橙色同黃色嘅小蘿蔔粒，清新得嚟又中和返香草忌廉汁。