香香宮煮 (金巴利中心)

Open Now

Now Closed

我同老公今日去尖沙咀，有間宮廷風火鍋店都好值得推薦，入店就感到自己好似穿越時空來到清宮一樣，裝潢設計至門口位置的宮廷服都好有feel 雍穆公主。花膠雞湯鍋我們兩個人叫半隻雞都夠食，雞湯鍋內都有不少的花膠，打邊爐前飲返啖湯暖胃，膠原蛋白滿滿的，飲湯後嘴邊都感到黏黏的，真係好足料。雞件本身是半熟，食前再滾熱，肉質鮮嫩。艾莎公主牛肉寶盒牛肉組合多樣，有頂級安格斯牛肉、手切本地牛肉、新鮮牛展、頂級雪花肥牛、牛黃喉、牛肉粒、牛舌花。雪花肥牛油脂分佈均勻，牛展很Q彈，牛舌花軟嫩手打蟹子蝦滑蝦滑手打成蝦膠，仍然食到蝦仁，蝦肉爽口彈牙。香香宮煮餃子拼盤有4粒，分別係韮菜餃，蟹黃餃，鳳尾鮮蝦雲吞，黑松露蟹肉餃。我覺得可以食到不同的餃子，而且餡料都有貴氣，仲要飽滿的。香香宮煮響鈴拼盤即食響鈴豆味香濃，每層都是薄脆，吸湯都有口感。仲有黃金炒響鈴，每層都有咸香的咸蛋，即食都好有風味，我覺得都可以拖下湯鍋，超惹味。有雞有牛有海鮮，我們都叫了菜心苗，份量不少，翠綠新鮮。唔想浪費了花膠雞湯，所以叫了滑溜的烏冬，很吸湯。