Video
Read full review
2020-04-09
404 views
經驗所得叫得美食或美味既食肆都強差人意背道而馳，已做好心理準備應戰，我不入地獄誰入地獄！九鐵經常故障，搞到 10 點半先到黃埔，勁肚餓呀！魚肉燒賣、茶葉蛋，好鬼窮唯有食少一點點。專登想食煎釀三寶，竟然 3 點後先有得供應。魚肉燒賣，只 $10 蚊兜啊！辣油淡如水淨油沒有渣，燒賣嚥嚥韌韌濕度高，輕輕的咸，淺淺魚味。茶葉蛋，要 $11 蚊 3 隻，濃咸實淨，沒有特別的蛋蛋。咖哩魚蛋，只需 $9 蚊有 12 粒，大大碗抵食喎！咖哩水好淡，魚蛋彈彈索索聲好假，味道唔腥可以的。麻辣辣椒油有幾粒花椒浮浮下喎，裝飾黎架？完全都唔麻既？辣油不香不辣。辣醬好咸，少少酸帶微弱的辣。木瓜雪耳糖水，嬸嬸話例湯未煲好，午飯時段過左半都未有例湯？可能沽清啦。只有糖水供應，我唔食甜野架，是但照要轉贈同事品嚐。赤小豆蓮藕豬骨湯，味濃香甜熱辣辣，全數灌落暖笠笠好舒服。凍冰冰的餸菜依舊，都係先飲碗熱湯暖暖胃先。冬瓜雜菜湯，真的冬瓜來的嗎？絕無味精都是天然的超甜味道，不過豆味超強不喜歡。我要飲咸湯，不要甜湯，就連蜜棗我一樣不喜歡。五穀五豆湯，其實每次飲都估唔到係咩湯，估計係素湯。沒半點肉但味道香濃，豆味強烈還泛著栗子甜味，
咖哩魚蛋，只需 $9 蚊有 12 粒，大大碗抵食喎！咖哩水好淡，魚蛋彈彈索索聲好假，味道唔腥可以的。麻辣辣椒油有幾粒花椒浮浮下喎，裝飾黎架？完全都唔麻既？辣油不香不辣。辣醬好咸，少少酸帶微弱的辣。木瓜雪耳糖水，嬸嬸話例湯未煲好，午飯時段過左半都未有例湯？可能沽清啦。只有糖水供應，我唔食甜野架，是但照要轉贈同事品嚐。
赤小豆蓮藕豬骨湯，味濃香甜熱辣辣，全數灌落暖笠笠好舒服。凍冰冰的餸菜依舊，都係先飲碗熱湯暖暖胃先。冬瓜雜菜湯，真的冬瓜來的嗎？絕無味精都是天然的超甜味道，不過豆味超強不喜歡。我要飲咸湯，不要甜湯，就連蜜棗我一樣不喜歡。五穀五豆湯，其實每次飲都估唔到係咩湯，估計係素湯。沒半點肉但味道香濃，豆味強烈還泛著栗子甜味，新鮮食材真材實料無味精無添加。
雜豆湯，濃厚豆味跟鮮番茄味道，明顯沒半點肉的健康湯水，味道真的不錯，熱熱地享用。薏米湯，非常濃郁甜美！可能係紅蘿蔔的關係。薏米嚥韌，杰杰厚厚的湯汁，試兩口夠晒。豉油雞髀，硬實冰凍的雞髀有點乾硬，免強合格。咸咸的豉油味只留在雞皮外，油感較重，咬落乾乾結實，白潺潺雞肉無味，肉汁欠奉。最好連肉帶皮一齊食就有點味道，過過口癮還好，未算好味道，但唔難食既。肉片炒豆角、蒜蓉椰菜花，兩味菜爽嫩都不過不失。
豉油雞全翼，依隻浸到霉霉爛爛，味道陰沉單調，顏色暗啞，睇見都唔開胃。真心去街市只售 $10 蚊 3 隻，鮮嫩彈滑高質千倍萬倍！豉油雞扒，只有細細半件，咸咸油油的雞皮，乾硬無味白肉，話晒都夠厚身叫啖啖肉。
蒜蓉西蘭花椰菜花，鴛鴦炒真罕見，凍凍淡口多汁爽爽的西蘭花及椰菜花。蒜蓉炒芥蘭，微暖略粗糙，有菜汁帶著甘澀味。豉汁豆卜炆排骨，油油重咸排骨碎，骨杉杉沒怎麼肉食。超咸豆腐卜比排骨更咸，索盡咸汁油淋淋！
冬瓜炆豆卜，清淡得黎食到天然味道，瓜爽甜搭豆卜香口嚥韌。梅菜蒸鯇魚，魚身好多骨呢！油膩感滿分，魚肉滲著肉汁，夾著微甜梅菜都算合格。炸雞全翼，首次有熱既餸食，千年難得一遇！她就係剛炸起雞全翼。新鮮出爐驚喜萬分開心死，外脆內嫩香噴噴，豪氣地一咬一扯肉汁飛射，醃味可口啖啖肉好好味！涼瓜炒蛋，接著處理冰凍涼瓜炒蛋，都落左不少糖炒涼瓜喎。甘味微弱，微爽偏軟，涼瓜微甘腍身不甘不苦只食到咸味。
炒蛋散碎濕濕，夠嫩滑甜味濃厚，味道不錯但太少蛋喇！而且炒到蛋還蛋、瓜還瓜散筲筲的。臘肉炒豆角，最後冰凍臘肉炒豆角，以為清炒豆角添！涼浸浸的臘肉炒四季豆，有一片臘肉點綴真的感動流涕！爽甜四季豆，味道蠻可口。趙到索索青夠爽脆夠鮮甜，泛著臘肉的油香，但凍左就變得油膩。
蒜蓉炒菜芯，反而有驚喜喎！勁多菜芯雖然凍冰冰，冷冰冰地不停食，少少菜甜味，少少蒜香味。略爽帶嫩清甜，無渣無草青味，說不到好好食，滿意合格。咕嚕肉，藏在菜芯下的咕嚕肉其實係生炒骨。凍到肉質變硬變硬，表面黏黏糊糊的，淡淡的酸淡淡的甜，平凡唔難食。肉碎茄子，最後到溶成一劈的肉碎茄子，慘不忍睹，賣相可怕！顏色暗淡帶灰，油油的口感及味道頂硬上食左大半。
麻婆豆腐，竟然是熱的，幾生修來的福啊！不過完全無味既？忘記落鹽？豆瓣醬同樣無味，加太多水？討厭的硬豆腐，硬掘掘有豆味但不香，完全唔想食。炸雞扒，冷冰冰的厚厚炸雞扒半件，雞肉無味，雞皮有微咸，凍雞肉乾硬油，凍雞皮連炸漿十分硬韌，唔好食亦唔難食，算飽肚抵食。乾硬炸雞扒，加上又靭又腍帶濕的炸粉，用點牙力消滅吧！只食到外層咸咸椒鹽味，基本上無雞味亦食不到雞扒有醃過。
豉油雞髀，其實豉油雞髀都幾難煮得唔好食，依隻真的出類拔萃難得一遇！雞皮竟然有股濃烈嗅羶味，百思不得其解，用上什麼嗅香料浸製呀？幸好羶味只出現在雞皮，雞肉完全無受影響。除雞皮嗅羶加風乾到膠韌，白肉鞋烚烚出晒渣，乾爭爭沒有任何味道！求鬼其不停咬咬咬吞吞吞，當無食過！
豆豉鯪魚炒油麥菜，只有一丁點的鯪魚肉碎及骨碎，搞笑非常！油感十足的油麥菜，名乎其實起油，當然油從鯪魚來的。已變黃的油麥依舊爽甜，還有蒜蓉豆豉香味，最衰凍到似沙律，免強都入得口。蓮藕肉餅，人生第一次的蓮藕蒸肉餅，蓮藕已變成糊狀泥漿跟肉餅完全融合，質地棉腍濕黏，肥豬肉味突出。
蘿蔔炆牛腩，蘿蔔爽脆多汁微澀還入得口，一粒勁羶牛腩邊皮，投降！娃娃菜，凍凍爽甜爆汁無投訴。番茄炒蛋，超老蛋有牛油味道，口感似用蛋碎搓成蛋球一樣，無添加醒胃鮮茄多汁酸甜可口。煎秋刀魚，魚味勁濃魚脂豐沛，結實香甜油油的，冰凍不過十分滿意。粟米汁豬扒，鬆化豬肉原汁原味沒有鬆夠天然，醃味得宜搭上甜美濕濕粟米汁，啜得高興，趙得愉快！南乳炆五花腩，鞋鞋的瘦肉炆得重味，豬皮爽彈黏滑，互補不足。
木瓜雪耳糖水
3 views
0 likes
0 comments
赤小豆蓮藕豬骨湯
6 views
0 likes
0 comments
冬瓜雜菜湯
10 views
0 likes
0 comments
五穀五豆湯
4 views
0 likes
0 comments
雜豆湯
3 views
0 likes
0 comments
薏米湯
16 views
0 likes
0 comments
魚肉燒賣、茶葉蛋
5 views
0 likes
0 comments
魚肉燒賣
21 views
0 likes
0 comments
茶葉蛋
13 views
0 likes
0 comments
咖哩魚蛋
11 views
0 likes
0 comments
咖哩魚蛋
23 views
0 likes
0 comments
豉油雞全翼
10 views
0 likes
0 comments
蒜蓉炒芥蘭、豉汁豆卜炆排骨
10 views
0 likes
0 comments
豉油雞髀
5 views
0 likes
0 comments
冬瓜炆豆卜、梅菜蒸鯇魚
11 views
0 likes
0 comments
炸雞全翼
6 views
0 likes
0 comments
肉碎茄子
3 views
0 likes
0 comments
炸雞扒
2 views
0 likes
0 comments
麻婆豆腐
6 views
0 likes
0 comments
豉油雞髀
4 views
0 likes
0 comments
豆豉鯪魚炒油麥菜
3 views
0 likes
0 comments
蘿蔔炆牛腩
7 views
0 likes
0 comments
豉油雞髀、臘肉炒四季豆
4 views
0 likes
0 comments
豉油雞髀
5 views
0 likes
0 comments
豉油雞髀、豉汁豆卜炆排骨、蒜蓉炒菜芯
14 views
0 likes
0 comments
蒜蓉炒菜芯
4 views
0 likes
0 comments
娃娃菜
3 views
0 likes
0 comments
番茄炒蛋
10 views
0 likes
0 comments
煎秋刀魚
4 views
0 likes
0 comments
粟米汁豬扒、南乳炆五花腩
8 views
0 likes
0 comments
Post
