Hakka Kitchen

話說我媽媽係客家人，雖然佢係客家人既身份，但其實佢唔太識煮好味既客家菜。一直以來，媽媽都好想煮餐好既客家菜俾我試下，但就整極都未盡如意。我就提議，不如我地兩個人去搵間好食又正宗既客家菜餐廳食啦，於是，就俾我搵到呢間「客家人」。


話明係「客家人」，當然菜式和味道都係同真正既「客家菜」一樣啦。


我地首先叫左個阿媽煮豆腐，不過今次就唔係我阿媽煮，係人地阿媽炮製的。食落認真係唔同，豆腐煮得恰到好處，絕對唔會過左火位，或者煮到水汪汪。加上陣陣肉碎，一口食落去有晒客家風味。豆腐非常順滑，整得十分出色。

阿媽煮豆腐

之後就叫左個家鄉小炒肉，餐廳用上紅、綠雙色椒炒肥豬肉，夠晒鑊氣非常惹味。如果雙色椒可以更加香辣一點，咁就會更加好味。

家鄉小炒肉

最後就叫左個雜菜煲。一如以往，雜菜煲內有粉絲、西蘭花、茹類等等材料，絕對唔會肥膩，可以同之前食左既肉類中和返，清一清個口腔。

雜菜煲

媽媽最後話，「客家人」煮出黎既食物真係有家既味道。