Video
Read full review
2022-12-24
286 views
同女朋友提早慶祝食聖誕節就book咗呢西餐一心諗住個景幾靚值得一試 點知去到啲食物質數同服務態度真係好得人驚先講服務就係完全無服務，啲員工好似完全唔識表達咁，前菜未上之前 佢會有盤免費附送既餐包。點知未食完員工就想收咗佢，我講咗聲仲要既，唔使收住。轉個頭又有另一個人直接走埋嚟拎走我地盤餐包，我哋再講聲話未食完，我覺得就算你拎走 都可以問聲先會好啲。我哋各人order咗兩份五道菜既set，前菜我地叫咗一個鵝肝，一個北海道帶子，擺落枱既時候，佢比錯咗左份三文魚他他，另外果個鵝肝係岩既。咁我就同侍應講聲 話三文魚他他比錯咗，佢咩都無講就一嘢拎走咗。然後我就繼續幫份鵝肝影靚相啦，點知過咗一陣又有個侍應行埋黎拎走咗我份鵝肝，我當堂嚇一跳 呆咗望住佢。佢就講咗句 呢份唔係你張枱。然後就拎住碟野走咗 一句唔好意思都無 啲態度仲衰過快餐店。好喇，到食物先最令人激氣。呢個鵝肝，我都幾肯定佢係一早煎好之後擺係暖櫃 暖住佢，仲要暖咗好耐。因為佢係唔熱，而且已經係接近乾既地步。更唔好講用嫩滑黎形容了。上面既洋蔥係完全多餘既存在，第一完全無味，第二 又係凍既。北海道帶子。粟米汁呢個帶子係煎得好好既，熟度同調味都
先講服務就係完全無服務，啲員工好似完全唔識表達咁，前菜未上之前 佢會有盤免費附送既餐包。
點知未食完員工就想收咗佢，
我講咗聲仲要既，唔使收住。
轉個頭又有另一個人直接走埋嚟拎走我地盤餐包，我哋再講聲話未食完，我覺得就算你拎走
都可以問聲先會好啲。
我哋各人order咗兩份五道菜既set，
前菜我地叫咗一個鵝肝，一個北海道帶子，
擺落枱既時候，佢比錯咗左份三文魚他他，另外果個鵝肝係岩既。
咁我就同侍應講聲 話三文魚他他比錯咗，
佢咩都無講就一嘢拎走咗。
然後我就繼續幫份鵝肝影靚相啦，點知過咗一陣又有個侍應行埋黎拎走咗我份鵝肝，我當堂嚇一跳 呆咗望住佢。
佢就講咗句 呢份唔係你張枱。然後就拎住碟野走咗 一句唔好意思都無 啲態度仲衰過快餐店。
好喇，到食物先最令人激氣。
6 views
0 likes
0 comments
呢個鵝肝，我都幾肯定佢係一早煎好之後擺係暖櫃 暖住佢，仲要暖咗好耐。
因為佢係唔熱，而且已經係接近乾既地步。
更唔好講用嫩滑黎形容了。
上面既洋蔥係完全多餘既存在，
第一完全無味，第二 又係凍既。
4 views
0 likes
0 comments
北海道帶子。粟米汁
呢個帶子係煎得好好既，熟度同調味都掌握得好
呢一個位要讚。
但好可惜，亦係成晚所有野唯一可以讚既地方。
8 views
0 likes
0 comments
龍蝦湯
味道就係普通既一個龍蝦湯。不過不失
我完全感受唔到其他食評所講既 老闆每日親自監控質素 幾多斤龍蝦打成既湯，之如似類既野。
2 views
0 likes
0 comments
牛肝菌湯
佢將個湯打咗層泡係面，其實對件事並無幫助。
因為本身個湯並不濃味，你再強行將佢變成泡沫狀，會令件事更加淡而無味。
4 views
0 likes
0 comments
卡邦尼粗管粉
份量係七條粗管粉，作為一個卡邦但完全無蛋香。最重要既係，個粉係凍既。
我明白好多野食係貴精不貴多，
但唔多既同時，我希望你件事係精既。
可惜佢並唔係。
2 views
0 likes
0 comments
法國鱸魚
全晚最令我著火既一味菜，
好簡單，呢一件魚就完全唔係煎既 佢係一件炸魚。
而重點係，佢似係一件炸完 放咗係焗爐個頂唔知warm咗幾耐，之後先出比我既一件魚。
口感完全係毀滅性既乾柴，調味係欠奉既。
而溫度，無錯 又係唔熱既。
3 views
0 likes
0 comments
蘋果千層酥
仲需要我講嗎？
蘋果切到大小不一，顏色有深有淺。
就咁將啲連焦糖都未煮好既焦糖蘋果
隨意放上一塊叫貨返黎焗既酥皮上面，就叫做蘋果千層酥。
廚師們，係你地老闆教你咁做，定係你地廚房大佬教你架？
打到呢度，真係打到好攰。我係從來無試過打食評，但今次我真係忍唔住。
可能各位覺得我講野好難聽，但我真心覺得我拎二千蚊出黎食咗啲咁既野，係好唔合理既事。
以下既說話係想同員工講，
經理們，係邊度學做樓面教你set餐具直接set係枱面 連餐巾都唔墊張？
刀叉匙羹直接放係枱面上面？
老闆覺得無問題？定係老闆指示既？
呢個價位既餐廳，服務係咪可以做得好少少？
做大既訓練下啲細既基本餐飲服務知識好難？
我知道可能好多係炒散黎，但唔代表你唔需要訓練佢地。
廚房們，我明白有時工作會做到厭，會無咗團火。但係可唔可以諗下點解當初要做呢行？
真係為咗煮啲咁既野出黎？你自己問心，係呢間餐廳你有無用過心去做？
啲野煮完warm咗幾耐先出比客？
好多時所有野即煮係會好冧檔，我明白。
但走棧偷雞係咪都要有個譜？
最後呢句同老闆講既，
我唔清楚你有幾熟悉餐飲，亦唔知有幾多野係你管理同指示。
但如果間餐廳繼續咁運行落去，
你靠唔到個裝修同個景幾耐。
好快玩完。
Post
