東哥點心籠仔蒸飯專門店

當日lunch時間坐滿，生意唔錯，點心即叫即蒸，四個點心、一個油菜、一籠蒸飯加罐可樂同茶錢，唔使兩舊水。除了座位有點迫和通風不夠，整體水準和價錢都合理👌🏻


鳳爪排骨飯
$48大大籠嘅蒸飯，加10蚊有碟菜，份量好大，味道唔錯，最後兩個人都食唔晒


燒汁釀茄子
釀茄子嗰嚿似係豬肉，係好大嚿嘅，不過好油。如果係鯪魚肉就好，個人覺得呢個點心麻麻。

東哥蝦餃皇
蝦餃皮蒸出嚟冇爛晒，蝦同荀嘅配合適中，幾好味！

四寶滑雞扎
有魚肚、雞件、芋頭同蟹柳，味道正常。

鮮竹牛肉球
爽口，唔係好實硬硬嘅牛肉球，味道正常。

P.S. 座位逼夾，當日被安排坐喺近廁所飲品櫃隔離，唔係好通風，有點熱。