小胖台灣便當 (德立大廈)

Open Now

Now Closed

途經尖沙咀嘅小胖台灣便當，見佢裝修幾cute幾搶眼，我地又鍾意食台灣野就去試試。餐廳分兩層，地下喺外賣機，上到一樓超闊落，梳化位多，比一般台式餐廳舒服。叫咗兩個主食、兩個小食同兩杯飲品，出餐非常快，一喺收銀處落完單轉頭已有飲品，珍珠奶茶有甜度冰度選擇，我揀嘅係近期大熱嘅冷泡茶，茶味好出，啱晒食完炸物解膩。主食叫咗一麵一飯，麵配嘅係鐵路炸豬扒，炸得幾鬆軟又入味；飯係三杯雞扒，加咗蜜糖所以甜味更突出。小食水準好有驚喜，炸魷魚鬚用咗地瓜粉，好鬆脆，魷魚本身都唔韌；茄子好香濃，送飯就啱啱好。