品記麵食 (Moved) New Location

冬天特別中意食麵，熱辣辣豬潤又可以補血，特登search 邊度有豬潤食鋪頭位置都幾隱蔽，唔容易察覺到佢嘅存在老薑湯豬潤麵簡直係麻甩的浪漫！勁多薑蓉，冇諗過會咁足料，愈食 個身愈暖。豬潤都有好多塊，而且每塊都好大塊 好厚身。有人覺得太熟唔好食，但對我黎講煮得岩岩好，唔會太生 又唔會太熟，仲有少少爽口。薑蓉湯+豬潤+麵，一啖食晒係超級夾，加埋晒好好食。湯底配搭+勁厚身豬潤，個人覺得好吃過深水埗好出名個間。炸雞翼價錢小貴。不過即叫即炸，熱到辣口，外脆內嫩，好味。