捌壹壹 (奶路臣街)

Open Now

Now Closed

今日去新世紀廣場附近購物，行到肚餓，就去咗麥花臣球場附近嘅火鍋店打邊爐。一打開餐牌見到有很多不同類型的東西叫，一於每一樣都叫一些吧。麻辣雞煲BB辣份量不少，有半隻雞咁多，再加上不同類型的配料，成為一個完美的雞煲。正！安格斯雪花牛肉非常之香口，肉質食得出係貴野嚟㗎，雪花紋理非常之清晰。讚好！滷水牛舌有口感有牛肉味，最重要係一啲都唔肥。五花豚肉不會太過肥，食落有層次，有口感同埋有肉味，很不錯的。口水雞例牌估唔到雖然話係例牌大細都有成四分一隻雞咁多，老實說，這味口水雞非常香口同惹味的。味付海蜇好爽脆好清新，口痕痕嘅好選擇。最後叫咗兩罐汽水解渴，又飽又滿足嘅一餐。