亞金南洋茶室 (黃大仙中心南館) (Closed)

今日去黃大仙廟還神, 係附近商場搵嘢食, 見到呢間東南亞餐廳, 裝修幾有特色, 光鮮整潔, 仲有好多卡位, 就去試下！餐廳用q r code落單, 快捷方便！無骨海南雞飯招牌菜式, 用上湯浸熟嫩雞, 肉質幼細嫩滑, 皮肉分離, 中間帶有薄薄一層骨膠原, 晶瑩剔透, 無骨啖啖肉。 配上雞油飯和清湯、堪稱一個完美的海南雞飯！招牌喇沙滲滲滲滲係混合米粉和油麵, 米粉幼細煙韌, 油麵爽滑軟熟, 一啖有兩種口感！有蝦、蟹柳、魚片頭、魷魚圈、豆卜。材料算幾豐富！喇沙湯底微辣帶椰香味, 甜甜地易入口幾開胃！凍美綠、凍檸茶估唔到呢度有 凍美綠, 即刻點番杯飲, 童年回憶即刻返曬嚟！凍檸茶 茶底夠味有茶餐廳水準！