藍象泰國餐廳 (Closed)

聞名已久，今晚book左枱同屋企人試下呢間非常出名既泰國菜😛室內既藍色燈光令間餐廳充滿神秘感，坐近窗口位可以望到碼頭海景，用餐體驗一流~炒通菜係我assess泰國菜既其中一個standard，呢到雖然上枱時已經凍左小小，但依然有鑊氣，加左小小蝦乾炒食起上黎更香~青咖哩雞+蒜蓉包，特別想讚下個包，成塊烤到金黃色，賣相一流~咖哩亦唔錯，底部有燭火長期燒住唔怕凍左~而且雞肉嘅份量好足夠，可以送到一碗白飯架呢個魚有小小乾身，所以魚肉唔夠嫩滑，但味道係okay的，而且都幾大份下，四個人分每人都食到三四舊~pad Thai，非常正宗，隻大蝦好大隻，肉質都好爽口~食物水準不俗，環境服務一流（整餐飯都有幾次主動換碟同埋加水），價錢唔貴，值得推薦