我真係好鍾意食waffle
冇意中係公司附近搵到呢間
冇錯 又係公司附近🤦🏻♀️🤦🏻♀️
離唔開公司 好彩附近都多野食
清新文青小cafe 之前黎過2次
上次黎想食牛肋條 但賣晒🙈🙈
今次決定再黎一次
今次揀左星期六下晏黎 3點鐘
想睇下有冇tea set 結果係冇ga haha
可能都晏黎 店冇乜人
2個人可以靜靜地聽下音樂傾計 人生一大樂事
又唔限時 任傾
裝修好有復古風 黃黃地燈光 唔太光猛
反而更合適談心 一d都唔嘈雜
我地叫左 紅酒牛肋條同煙三文魚waffle
叫完好快有餐湯
忌廉湯
好希 得湯水 飲得出係用粉溝出黎☹️☹️☹️
上次食唔到ge牛肋條
一上枱係仲有煙
D牛肋條都幾大條 又厚肉
整得好淋又入味
個飯係有咬口 一d都唔爛✌🏻
Waffle!!!!
係即焗ga 整得岩岩好 唔會"焦"
仲保持到濕潤 咬落去有口感 唔會係空心感
仲有蛋香味 加埋d焦糖醬 very good
炒滑蛋 唔會過熟 仲有少少蛋汁👍🏻👍🏻
仲有玫瑰花型煙三文魚 賞心悅目 正正子
餐飲係青蘋果茶同咖啡
青蘋果茶隻色 青到有d假
聞落好香蘋果味 甜甜地
咖啡 係超出左我期望
好滑口 仲好香 飲到最後仲有少少果香味👍🏻👍🏻
