K Chef Story

每次去葵芳都會去葵涌廣場掃街，但係前嗰幾日就比我發現咗一間新都會廣場好好味嘅韓式炸雞！佢哋嘅包裝仲要好靚添😍


蜜糖芥茉炸雞 & Pepper 蛋黃醬炸雞🍗
炸雞嘅味道可以Mix 埋一齊，咁就唔使擔心不停食同一隻味會太悶啦！超級推薦蜜糖芥末味，雞肉外脆內超級Juicy，再配埋蜜糖芥茉醬喺面，完全食到停唔到口！


辣豬肉拌飯🍚🐷
豬肉有少少辣味，就算唔食辣嘅人都應該會食到，配埋大量嘅伴菜撈埋一齊，好味得來又唔係太肥！


沙律🥗
加$20就可以配一盒沙律，如果大家叫嘅話我建議走醬或少醬料，咁就唔怕會唔健康啦！


咁多嘢埋單加埋都係大概$300左右，可以三至四個人食，性價比好高！