侘寂珈琲 (西九文化區) (Closed)

叫咗一個西京味鮭魚意大利麵，點知上到嚟係白汁唔係西京燒味，另外鮭魚其實只係鮭魚碎唔係一舊魚，一舊魚都無。另外餐廳冷氣完全不足夠，一路食一路出汗，好彩自己帶風扇，如果唔係熱到傻咗。俾咗$128食咗呢個假西京味鮭魚意大利麵，真心痴線，我會話連$40都唔值，旺角樓上啲boardgame舖店員煮出嚟仲好食過佢。今次係第一次喺openrice比評價，因為實在係中伏得太嚴重，所以唯有打呢個食評希望大家睇到唔好再中伏。