桃花源小廚 (Closed)

明白餐廳要做多轉，去交租出人工，所以絕對唔介意夠鐘就要埋單走人，大家都要搵食。但係就唔明白點解呢間要做到咁乞人憎。詳情如下。首先訂枱時無講要一小時十五分後交枱，係到咗攞枱先至講，咁就即係逼人接受。一大班人又點即場改地點？可以嘅話都唔使訂枱啦！交枱時限前6分鐘有侍應突然攞張單過黎要埋單。未問已經幫你埋咗單。明白趕時，夠鐘就走啦。係等碌卡時，又有另一侍應走黎，又望錶又收嘢。咁算點？都埋咗單，等緊你地做嘢咋！宜家欠咗你地咩？所以如題，真係唔明點解收枱要做到咁乞人憎。更加唔明點解用咁嘅態度做服務業。唔知間餐廳出咗乜嘢問題，但咁樣應該好難係呢個場做落去。至於食物質素、地方環境，已經無興趣再講。