深井陳記燒鵝海鮮酒家

Open Now

Now Closed

小弟及女友去呢間陳記試下佢d燒鵝，見到咁多人食，諗住會好好食。點知大感失望。我地被安排入坐於一間只開早上及下午的茶餐廳，但晚上卻變成陳記既舖頭之一。首先講講食物既質素，燒鵝又肥d皮又唔脆，見佢出面d燒鵝係新鮮整既，點知我地食果d係凍既，付款時向收銀投訴，佢話佢地全部燒鵝都新鮮熱辣，對我們說唔好意思(都食完law, 講sorry 又有乜野用? 難道是我地運氣不好，而其他人食既燒鵝卻是很好吃？)。至於價錢，我覺得佢地好唔老實，燒味雙併是$80，雞拼鵝就變佐$100??? 問收銀佢話鵝併叉燒就$80，點解佢份餐牌又唔寫清楚??? 雖然只係$20，但係我講得佢地十分唔老實，誠信好有問題。我地食佐雞鵝雙併($100)，西蘭花帶子($70)及一個白飯($6)，點知埋單要$211，因為仲要計茶介(二位$6)﹐花生及酸果(總共: $10)，仲要加一服務費？天呀，基本上我唔覺得佢地有乜野服務，大家有冇試過去茶餐廳仲要比加一服務費？基本上佢係大排檔既格局，酒樓既價錢，茶餐廳既服務，值得讚既係佢諜西蘭花帶子都幾大碟，質素都OK，但小弟仍然不明白為何這麼它這麼多人惠顧，而深井其他食市卻顯得比較冷清。