興樂菜館

Open Now

Now Closed

之前睇討論區話呢間野平平地，仲叫人認住綠色格仔檯布，今日入去食，$138包三味小菜。叫完菜，等了又等，每廿十分鐘先出一碟菜，實在過份，個個客都不停催單，佢就係唔理，原來係拖慢黎做，想多d人排隊造勢。結果一餐飯食左個半鐘有多，大部份時間就係等。講返d小菜，聖子霉既，我從來未食過一碟聖子，d殼係墊底，d內響面，但係d內係滾熟，然後淋d豉汁響面，就叫豉汁炒聖子。魚…我真係唔想諗返起，蒸到眼都凸晒肉都爆晒，求其用蔥花蓋頂就當睇唔倒。一食更加不得了，我未食過海魚腥到河魚咁，同老婆一人食左一塊真係食唔落…成碟聖子成條魚比返佢。態度，唔使講。催佢上菜，好似叫佢還錢咁，一係左閃右避，—係大聲夾惡話廚房煮跟，問返我唔熟係唔係照食。唉…總之我唔會再去。