板卷 (Closed)

好耐冇試過咁嬲，今日係公司ot，諗住對自己好d食貴少少，係食物熊貓叫外賣，自選咗十貫，成百五蚊諗住質素應該會好食過壽司郎aeon，點知連爭鮮都不如。佢d壽司飯係經過調味，懶係風格醋飯，實則就有咸又酸，仲要黏到一舊舊，同d唔新鮮既魚生加埋，相映成趣，成件事係直程昇華咗，我食到最後係滿口魚腥，即使我即刻飲野，果浸腥味既after taste仍然殘留口腔數十載，唔好講d cheap魚，d限定魚收人三四十蚊口感同普通無異，對上一次食壽司有咁差既體驗係明將，甚至明將都可能更加有食既價值。最嬲係咩呀，我準備扔碟野果陣竟然見到個盤到有血水，喂依家咩事呀大佬，從來未試過咁樣，真係嬲到我即刻上尼打我人生第一個食評