Video
Read full review
2018-12-21
598 views
1：食物上枱時間1730入座，10分鐘後落order，本身每枱都會送一客得嗰幾片唔同部位嘅牛肉大約15至20分鐘後上枱，而我地點選嗰啲1820先至第一輪上枱，而隔離枱比我地更遲，佢地更忍唔住搵經理投訴，但經理冇出現過，只係推個senior去做箭靶。2：牛肉冇肉味，其中一款肉用一個器皿裝住，感覺好似我喺台北食嘅燒肉店應好入味好惹，點知…… 一啲肉味都冇！基本上所有肉都要靠醬汁去提升肉味。3：嗰個唔知係抽氣扇定吹氣扇 ！又或者攞黎裝飾，啲煙由四方八面四散，完全吸唔到煙。4：有份生蠔用冰鋪底，又有片檸檬。感覺上可以即食，但係原來係要燒，不幸地我生吞咗，x+y@z上枱嗰陣唔早講！我見識少，我見過貝殼類大部份都係爐端燒而未見過用食燒肉嘅鐵板黎燒蠔囉。不過呢度我都唔怪得晒佢地，我又唔問就咁食落肚，好好彩而家仲未有事。5：啲職員派幾張類似不織布嘅紙嘅紙巾係話用黎抹爐，吓 …… 到底係抹爐邊嘅油定係真係要黎抹嗰塊鐵板呢 ? 我真係好想睇佢示範吓，可能又係我見識少，通常我只係知成塊鐵板更換，未見過要啲客人親自抹爐。6：2小時任食，我地1730入座，1900叫埋單，成場最早係我叫埋單，都要等10至15分鐘
1：食物上枱時間
1730入座，10分鐘後落order，本身每枱都會送一客得嗰幾片唔同部位嘅牛肉大約15至20分鐘後上枱，而我地點選嗰啲1820先至第一輪上枱，而隔離枱比我地更遲，佢地更忍唔住搵經理投訴，但經理冇出現過，只係推個senior去做箭靶。
2：牛肉冇肉味，其中一款肉用一個器皿裝住，感覺好似我喺台北食嘅燒肉店應好入味好惹，點知…… 一啲肉味都冇！基本上所有肉都要靠醬汁去提升肉味。
3：嗰個唔知係抽氣扇定吹氣扇 ！又或者攞黎裝飾，啲煙由四方八面四散，完全吸唔到煙。
4：有份生蠔用冰鋪底，又有片檸檬。感覺上可以即食，但係原來係要燒，不幸地我生吞咗，x+y@z上枱嗰陣唔早講！我見識少，我見過貝殼類大部份都係爐端燒而未見過用食燒肉嘅鐵板黎燒蠔囉。不過呢度我都唔怪得晒佢地，我又唔問就咁食落肚，好好彩而家仲未有事。
5：啲職員派幾張類似不織布嘅紙嘅紙巾係話用黎抹爐，吓 …… 到底係抹爐邊嘅油定係真係要黎抹嗰塊鐵板呢 ? 我真係好想睇佢示範吓，可能又係我見識少，通常我只係知成塊鐵板更換，未見過要啲客人親自抹爐。
6：2小時任食，我地1730入座，1900叫埋單，成場最早係我叫埋單，都要等10至15分鐘先埋到，見個侍應拎住成叠數簿出黎同每枱埋單。點解你地可以叻成咁
註：逢係放題嘅嘢我都唔會有奢望，雖然我選擇係平價嘅套餐，但連平價水準都唔得，我又點會有下次！
2018年12月16日
星期日
就係呢枱客，等咗40分鐘啲食物都未上枱，經理唔蒲頭要搵個senior頂硬上。
Post
