係門口見到無人排隊 睇左餐牌見到價錢唔平
諗住質素都幾好 就一於試下啦
無諗過咁就開始左中伏之旅
完全係差過任何一間連鎖既壽司店
未試過俾呢個價錢 食啲咁既質素既野
魚生飯已經差不多$400一個
但真係普通到唔普通 除左啲壽司飯幾好食
啲帶子同海膽都好一般 完全唔值呢個價錢
之後叫左牛肉烏冬 蒸蛋同串燒
個牛肉烏冬無影到相 但真係想講係完全無味
牛肉無味 湯無味 烏冬都好難食..
其餘既蒸蛋同串燒都唔敢太大期望
果然都係超級淡 淡到同無味一樣 都唔知自己食緊啲咩落肚
同朋友都表示非常失望 靜係想快啲埋單去第到再食過
埋單要$800幾兩個人 呢個價錢我寧願去食放題
都唔想俾呢間野賺 真係非常之難食
