鍋心八鮮蒸鍋 (Moved) New Location

之前試過隔離嘅火鍋，非常正，今次兩公婆就試試呢個蒸氣海鮮，本來要早早訂座先有得食嘅，今次因為有人放飛機，我哋就好好彩可以唔洗book都食到。唔洗三百蚊位，有足料燉湯，龍蝦，鮑魚，中蝦，蟶子，象拔蚌，大蜆，魷魚腸粉，肉蟹，八寶蒸飯，最後仲要加個燉蛋做甜品，除咗地方比較細，我都諗唔到有乜可以彈。8個海鮮，同上次火鍋一樣超新鮮，點解咁串一定要預早book，因為佢哋真係要預材料，最好味係個龍蝦，最驚喜係個魷魚腸粉，腸粉滑到呢，最鍋心係個蜆，蒸好之後有兩隻唔開殼，個侍應竟然再蒸兩隻俾我哋，超均真。食到八寶蒸飯，食唔落喇，全部包走咁滯，但好好食，尤其係個雞軟骨餅。好戲在後頭，本來趕住唔食個甜品，但侍應叫住我食埋先，嘩，真係好好味，個燉多好有蛋香，甜度又適中，唔食真係走寶。