Video
Read full review
2015-10-19
1182 views
媽咪生日就諗住帶佢去威威, 搞搞新意思.平日淨係識去酒樓既佢, 一聽到我帶佢去試私房菜都好興奮, 諗住可以食平D又食好D.上黎openrice 搵中餐私房菜, 選擇都唔少. 不過要多LIKE既就唔係有好多間.所以揀左依間, comment唔錯, D相又吸引既.訂位時. 講到又要預訂, 又要分時段, 仲要只收CASH. 聽起黎好似好架勢咁.所以都訂左一兩招牌野先, 龍躉骨魚頭湯(例牌), 荷葉龍躉蒸飯(例牌), 白胡椒鮑魚 (6隻)餐廳位置其實唔算係地鐵站附近, 都要行十幾分鐘.坐低左再加多幾個餸, 士多啤梨骨, 蝦醬蝦乾蒸肉眼片, 特大蟶子, 上湯菜心, 香芒明蝦球. 六個人份量應該都夠…問題開始黎, 首先, 門面 – 叫得私房菜仲要係工廠大廈我都唔會expect有超豪裝修, 不過你都唔好無冷氣呀.個冷氣溜水溜到啤啤聲, 跟住D員工嘗試係到拆開個冷氣. 大佬呀, 你一拆部冷氣, D塵就飛晒出黎. 我唔係上黎食塵架!!食物方面, 先唔好講味道. 賣相 - 既然例牌會係細碟既話, 咁麻煩用番個細碗或者細碟. 唔好個湯黎到好似俾人飲左一半, D餸黎到又好似俾人夾左幾舊咁. 份量方面, 如上述
平日淨係識去酒樓既佢, 一聽到我帶佢去試私房菜都好興奮, 諗住可以食平D又食好D.
上黎openrice 搵中餐私房菜, 選擇都唔少. 不過要多LIKE既就唔係有好多間.
所以揀左依間, comment唔錯, D相又吸引既.
訂位時. 講到又要預訂, 又要分時段, 仲要只收CASH. 聽起黎好似好架勢咁.
所以都訂左一兩招牌野先, 龍躉骨魚頭湯(例牌), 荷葉龍躉蒸飯(例牌), 白胡椒鮑魚 (6隻)
餐廳位置其實唔算係地鐵站附近, 都要行十幾分鐘.
坐低左再加多幾個餸, 士多啤梨骨, 蝦醬蝦乾蒸肉眼片, 特大蟶子, 上湯菜心, 香芒明蝦球. 六個人份量應該都夠…
問題開始黎, 首先, 門面 – 叫得私房菜仲要係工廠大廈我都唔會expect有超豪裝修, 不過你都唔好無冷氣呀.
個冷氣溜水溜到啤啤聲, 跟住D員工嘗試係到拆開個冷氣. 大佬呀, 你一拆部冷氣, D塵就飛晒出黎. 我唔係上黎食塵架!!
食物方面, 先唔好講味道. 賣相 - 既然例牌會係細碟既話, 咁麻煩用番個細碗或者細碟. 唔好個湯黎到好似俾人飲左一半, D餸黎到又好似俾人夾左幾舊咁.
份量方面, 如上述, 份量超少, 普遍每人得一至兩舊, 士多啤梨骨, 香芒明蝦球每人各一. 蝦醬蝦乾蒸肉眼片, 上湯菜心每人各二
最後味道:
香芒明蝦球 – 就係6隻熱既沙拉蝦加幾片完全無煮過, 仲要凍凍地既芒果. 都唔知當佢頭盤定熱熏好.
龍躉骨魚頭湯 – 黎到得半碗, 就好似茶記例水咁. 味道非常一般, 我唔覺得要預定囉
白胡椒鮑魚 – 完成中伏. 白胡椒味道太濃, 味重到都唔知係咪新鮮鮑魚
士多啤梨骨 – 味道OK, 不過每人得一舊.
特大蟶子 – 一般囉, size OK, 粉絲唔夠”林”
荷葉龍躉蒸飯 – 唔識講. 無味, 好油, 魚塊都夠, 不過D飯硬到好似生米咁. 同想像中D飯會有淡淡既荷葉同魚汁係完全兩回事.
蝦醬蝦乾蒸肉眼片 – 坦白講, 依個係一般家常菜充,就係蝦醬撈豬肉咁簡單. 依個都出事, 真係唔知講咩好. 係每人有兩小塊. 但其實你食完第一塊之後都唔會再食第二塊. 味道咸到條脷都”鞋”埋.
Other Info. :
真係食完依餐好想講粗口囉!
(The above review is the personal opinion of a user which does not represent OpenRice's point of view.)
Post