藍象泰國餐廳 (Closed)

藍象聽講係泰國係好出名的一間米芝連餐廳，但是香港呢一間完全不配。首先，餐廳環境昏暗，座位不算好舒服，餐具有好多手指紋，而且黏黏立立的，要用紙巾抹好多次我勉強抹得甩。我地叫左個春卷，份量只有兩條，味道一般。大蝦金邊粉泰國菜最具代表之一就係炒金邊粉，大蝦肉質有點老，金邊粉味道普通。薄餅係用來配咖哩羊肉，薄餅只有兩團，而且外面好油，雖然味道不錯，可惜份量偏少。不過最大問題係餐廳侍應，見到有某個侍應對食客態度囂張，語氣差，收錢時黑口黑面，完全沒有禮貌，似乎唔想任何人幫襯！這樣的服務態度完全接受不到，唔會有下次。