agnès b. Café LPG

Open Now

Now Closed

Agnes B Cafe @ 中環今日係中環見完客，見天未黑就想係附近搵一間Cafe做下野。黎到IFC行左一圈，發現Starbucks就基本滿座，其他咖啡店都唔少人，所以就走左上3樓睇睇，結果發現有Agnes B Cafe，未試過呢間既我就毫不猶豫決定留係呢度。佢哋提供既食物同飲品種類繁多，由意粉到蛋糕，到奶昔同咖啡，一應俱全，而且價錢係中環黎講唔算貴。我就叫左一杯奶昔黎飲下。呢杯奶昔味道唔錯，飲到水果既鮮味，唔會係好重人工水果味既奶昔。份量都好大杯下，我一路做嘢一路飲，都夠我飲1-2小時。當日係平日下午，所以人流唔算好多，基本上都有空位。美中不足既係餐廳冇插座，當日用到電腦冇電就唯有收拾離開啦。