The Stadium (Closed)

放lunch time,見到呢間野好似好有特色咁就上去試食，我同同事分別叫咗安格斯牛肉漢堡同特級肉眼扒餐，分別跟湯同沙律。Waitress 俾咗杯水俾我地，個杯好有特色，成個藍球樣，好有手感。沙律都幾好食，夠fresh，裏面有幾種既菜，仲有粟米同蕃茄仔，配上酸酸甜甜既醬特別開胃。羅宋湯酸酸甜甜好開胃，內有蔬菜，好有口感。黎到stadium, 一定要試呢個安格斯牛肉漢堡，塊牛好足料，好厚，啖啖都有濃濃既牛汁，配埋香菇，令牛汁更鮮甜可口，配埋芝士真係無得頂，值得一試。另一道菜係特級肉眼扒，食得出the stadium 好用心去煮塊牛扒，塊牛扒有陣陣既烤味，肉汁鮮甜，入囗即溶，份量適中。杯咖啡好特別，印有The Stadium😂, 味道一般，沒有驚喜。