仨點仨 (Closed)

三點三係時候去飲杯仨點仨。尼到係安定商場翻新後唯一一間手搖飲品，因為我就住隔離，所以成日都會落樓買杯嘢飲。佢亦算係安定商場唯一一間表明自己係黃店同有連儂牆嘅鋪頭（不過見佢個牆成日俾人破壞真係好心up😢）。今日叫咗杯芋香鮮奶茶，20蚊一杯。佢無好多芋泥，同埋啲芋頭真係搞到好碎，一撈勻晒就飲唔到一粒粒嘅芋頭。紫色咁靚應該可能係蝶荳花或者有啲色素😂（我見其他貴啲嘅手搖飲個顏色會偏白多啲）。飲落去有陣陣嘅芋香味，偏甜，建議叫返少甜。總括嚟講尼款飲品算係一段，佢地嘅鮮奶茶同其他會做得比較好，珍珠亦好食有彈性。唔建議買非鮮奶茶，因為係奶粉。