無論想獨食定約朋友開party，都可以安坐家中，晚飯前就會送到，一大個冰袋放滿乾冰，保持冷凍溫度，包裝穩陣安全，唔會走晒位，散晒漏瀉。有齊牌照食得更放心，買滿$600免費送貨，亦可到門市取貨。
⎊ 網池魚生蠔拼盤 $288
見到成個拼盤開心嘅，每樣都有啲，大家可以試多幾款，池魚原條切片上，都有十數片，蘸上酸醬汁鮮味突出，生蠔4隻，三文魚同帶子各4片，仲有幾串海葡萄，輕輕咬破口感清脆，滲出海水鮮甜味。
⎊ 極品 · 大閘蟹5両公蟹 $88
九月圓臍十月尖，呢個時候一定要食蟹公，紫蘇葉放入水，水滾先落蟹，蟹肚向上，全程大火蒸，5両我蒸咗18分鐘，一開蓋爆多白膏，好滋味，呢個價錢抵食。仲附送食蟹套裝：紫蘇葉、蟹醋、蟹剪，薑糖茶。
⎊ 油甘魚刺身蛋糕 (4寸) $270
打開盒完全無走位無散開，賣相吸引，真係好似蛋糕，一定打咭先，蛋糕底係混入蟹籽嘅赤醋飯，口感脆卜卜。蛋糕面鋪滿油甘魚刺身，仲有赤蝦、帶子、三文魚籽同海膽。配送星形、心形蠟燭、金箔同蛋糕刀。我哋一齊插蠟燭鋪上金箔，好有DIY嘅感覺，雖然無人生日但都好開心，然後切開大家share食，有點似食刺身丼。
⎊ 日本宮崎県3.6芒果牛乳 (1400ml) $198
連甜品都可以一次過訂埋唔使煩，糖水同底料分開包裝，用蓋密封住，唔會漏到瀉晒。宮崎芒果同北海道新鮮牛奶打成，芒果香甜，奶味香濃，入口好順滑，裡面有粒粒芒果增加口感。
仲有幾款底料選擇，我就揀咗雪燕同桃膠，感覺好養顏，隨個人喜好加落糖水，估唔到份量都幾多，都分到好多碗，加埋金箔更矜貴。
#肯尼海鮮外送速遞
地址：葵興大連排道美華工業大厦13樓b室
