我返工必食嘅lunch華語結嚟喇！！！
我鐘意到試過連續兩個星期日日lunch都係食佢
食到啲同事叫我加盟華御結
我已經自動成為華御結免費打手喇
其實食咗咁耐咩味都試暈晒咁滯
最愛最愛最愛始終都係呢三款
佢地就係～～～～～～
1
🤘🏻安格斯牛蛋汁壽喜燒
🤘🏻明太子沙律
🤘🏻蒲燒三文魚腩
首先講下安格斯蛋汁壽喜燒先
我覺得牛肉偏甜
牛味唔太重
似係平時打邊爐嗰啲牛肉片
我有時想食蛋但係又想食牛
咁呢個雙併就fit哂
個蛋汁呢真係將啲牛肉昇華左去另一個層次啊～！
不過呢個就比普通嘅御結貴少少要$20
之後就到明太子沙律啦
好得意㗎喎
其實佢冇話辣嘅
但食落就有小小辣辣地
口感冇乜特別
主要嘅食材係個醬同埋飯
雖然講唔出咩大道理
但係嗰調味呢！ ！
勁爆香 有蛋香 仲有啲唔知咩香總之好特別
食完之後個口腔充滿香氣
好想瘋狂‘嗄’俾人聞下
到最後嘅蒲燒三文魚腩
就真係有燒過嘅
燒烤味好香
簡簡單單唔需要咩調味汁已經好夠味
每一次食都覺得
天啊 點解咁好食都有嘅 點解嘅
魚肉好嫩 每一次食倒嘅肥膏比例同肉都啱啱好
以上每舊飯團調味嘅醬汁完全唔一樣
但都一樣咁好食
每次食到最後都一啖都好唔捨得㗎嗚
我好認真咁思考過
到底邊一舊係最好食嘅
我啱啱諗左一個晏晝
好苦惱 但都揀唔到
我諗我每一次買都要買哂三舊
儘管我只係食得落一舊我都要買三舊
係咪好任性呢
我唔理
我要晒！！！！！！！
