傷心酸辣粉 (電氣道) (Closed)

上星期六晚來到想食雞煲，我叫個侍應來落單，我話要雞煲，佢話雞煲魚煲嗰啲要等，咁我就打算揀過其他食物，再睇過menu先落單啦。之後我揀好咗就再叫過個侍應來落單，點知佢行到過來話要「等等」，我以為佢係指叫野食之後要等，點知佢連落單都唔俾我落，將我手上嘅menu cum埋！！！話「要等等！而家廚房話事」我第一次咁樣俾人cum埋本menu，真係宇宙級嘅服務！後來我見到廚房有人走出來樓面鬧頭先個侍應，話廚房好忙，鬧佢落咗碟干扁四季豆搞到廚房要開爐炒，鬧佢開爐炒野問過經理未....我心諗廚房果然大晒....唔怪得個侍應驚到唔俾我落單...之後我見落唔到單又太肚餓就走咗。今晚我見佢冇乜人，終於把心一橫再入去試，點知我想order水煮龍脷魚，佢話唔夠材料整..我今次唔揀雞煲魚煲但又都食唔到想食嘅野啦之後我揀咗價錢一樣嘅辣子雞(半隻)。賣相就靚喇，但似乎辣椒薑蔥等係同d雞粒分開炸，d雞都冇香味嘅，仲要勁多碎骨同皮，可食嘅肉加埋一定冇半隻雞嘅份量 (at least我連半隻翼都搵唔到)反而個包心菜大拿拿$50炒個菜，賣相普通到我冇影低到，但味道係全檯食物中最好的！