世界最遙遠的距離，就係望住屋企係對面，但就返唔到去！朝早出門口時都有猶豫帶遮唔帶遮，點知臨到屋企個天黎先倒水！等等下外賣落狗屎仲越落越大，四眼肥仔店員主動借出私伙長遮過我，真有人情味！外賣就緒時，雨勢突然變得毛毛，那我不用遮喇，多謝好意。
久別重逢，比初開檔時款式增長很多，琳琅滿目包羅萬有！到底照片中美少女是否老闆娘？還是朋友？親戚？模特兒？催銷員？只在初開將時有過一面之緣，真的使人牽腸掛肚，輾轉反側！
某日晚上，那位後生仔廚師我那麼好禮貌問我想落單呀唔該，您只冷淡地回應等等啦！無緊要，我就用最大的耐性忍受酷熱的夜晚及車來車往的癈氣等 1 分鐘。夠鐘！您忙您的事吧，我唔打搞您啦，我去幫襯第二間都無緊要架！少年您真的太年輕，梗係放低手上隻鑊鏟過黎落單收錢先，個食客咪無得走要繼續等落去囉！我每次買親無 $80 都 $100 蚊，每次最少點三味菜，居然自顧自地忙，那我都不打擾施主喇！
紙袋雖然都不環保，但總比膠袋好千倍萬倍！可否捍衛繁體字，拒絕簡體字呢？目標客戶不是香港市民？還是依幾行殘體字環保訊息係比州民睇呢？生炸雞髀，即叫即炸等十多分鐘，大大隻熱辣辣雞皮脆脆，落椒鹽重手而且不平均好咸。鹽酥味的炸髀，討厭！去皮去鹽酥，裡面雞肉正常不過，滑彈有雞汁，白肉好彈好多汁，略給兩粒星。
百香果綠茶，小食跟飲品只需加 $3 蚊？真心堅抵砌。清爽百香果微酸輕甜消滯開胃，綠茶味突出芬芳。烏梅綠茶，酸酸冰涼餐前開胃飲品。水蜜桃綠茶，免免強強，有點假甜，糖漿溝綠茶。
鮮橙綠茶，何解上半起晒泡呢？原來係砂冰是也。其實我淨係想飲汁乍，啜一啖已清晒橙汁綠茶！鮮橙汁全部浮面，要自己耐心攪拌均勻。第一口綠茶甜既？不是用無糖的嗎？酸酸的橙汁混入甜綠茶還有點點砂冰，大啖啜清涼不膩。
一口西冷牛杯，有料到喎！即叫即做熱辣辣炒起，新鮮彈滑味道香濃，牛味出眾！每口肉汁飛射，中式的烹調有鑊氣夠和味！每從入手無得挑剔，唯有滿分！釀蟹蓋，脆到以為係軟殼蟹可以連殼食，狠狠地咬啖，被我吞下半隻蟹蓋喇！平庸的外表，反而有驚喜！沒有鞋烚烚刮口麵包糠真舒服，釀著香噴噴蛋白蟹肉絲，熱辣辣滑滑濕濕黏黏，溫柔的味道，回味無窮，我喜歡！
秘製咖哩魚蛋燒賣，竟然陳皮魚蛋都比您地搵到，好野喎！濃濃陳皮香甜夾雜少許蠔油鮮，不過仍未能掩蓋微微的魚腥味。外購魚肉燒賣當然不能跟自家鮮製相比，起碼沒有蒸過火沒有程半溶狀態，實淨微彈微弱的咸香。講回靈魂台柱咖哩汁，有茶記咖哩膽影子，應該有加入大量洋蔥及蔬果，有股若隱若現的清甜味道，蠻喜歡食得過。
瑞士汁雞中翼，真的調得有板有眼，似模似樣，比隔離華記烹調得好百倍。越食就越覺得似層相識，味道好似李錦記喎。雞中翼皮脆黏滑，白肉結實有咬口，不霉不爛不乾不腍，合格滿意。
海鮮杯，眼測明顯全屬外購貨色。炸粗幼薯條幼條外脆內軟，粗條外香內綿濕濕啖啖肉，有薯香有咸香。炸帶子堅硬，橙色帶子殼連膠叉都攻不入，用手食最實際，輕鬆整粒到達齒舌間，厚厚韌韌外殼免強還有一絲帶子味道。炸蝦麵包糠造的蝦殼奇厚，蝦味完全被麵包味淹沒，咬掉麵包糖淨食，無味爽蝦舒服得多。炸蠔炸得黑黑燶燶，我一向都唔怕的，來吧照食！難得保存濃郁蠔味，還有蠔汁閃閃。炸魚柳這個有趣兼利害，外層間直係夾包一樣，裡面藏著嫩滑微腥鯰魚柳，大力啜食所有魚肉，剩下夾包掉丟。
瑞士汁香腸，到底給我係瑞士來的香腸？還是瑞士汁香腸？味道質地都只是極普通的咸腸，幸好彈彈多汁。感覺不到有明火煮過，微波爐叮熱淋上瑞士汁？何解不像瑞士雞翼跟汁一齊煮呢？師傅您淋汁係側邊，所有汁都已被餐紙吸盡一滴不漏，我其實係度食緊淨腸仔。還是要用張瑞士汁紙捲住腸仔食架呢？真係好鬼迷幻，跟照片完全不乎，收到的係白雪雪既腸仔。
黃金單骨雞翼，遠超我想像的出色！跟我煮開濕系牛油黃金食品完全不同，雞中翼開邊沾上麵粉才炸，包得緊緻，所有肉汁精華盡鎖其中，沒有一絲流失，炸得乾爽香脆。咸蛋黃平均地黏在雞皮每吋肌膚，狠狠地皮肉齊喰，肉汁噴泉般射出，滋潤我每顆味蕾。溫柔的醃味搭甜甜雞汁再撞埋蛋黃咸香，三一無敵！合體完成度極高，送禮自用均大方得體。
有部份食肆所謂單骨雞翼就是求其開邊直入炸爐，炸得乾鞋兼備油膩衝天，討厭！我喜歡煮的單骨雞翼，可以叫外反雞翼或布袋雞翼，拆掉一條骨再將白肉反出，雞皮藏在內，能保存更多鳳脂，雞味更濃更甘甜，而且食得超然方便！
蒜香雞翼尖，一見發傻！第一個感覺唔係怪？甩皮甩骨，皮開肉綻，難溶溶成劈不堪入目，賣相可怕！蒜泥辣椒浸雞翼尖，炆到過晒火。煲湯雞翼骨瘦如柴的外觀，骨肉分離皮滑但霉肉，只啜其蒜辣味道及雞汁！
魔鬼熱狗，魔鬼其實講芝士份量，四倍芝士。芥辣茄汁天作之合，甜酸辛辣擦出火花！脆皮大碌微暖熱狗腸，如何烤得焦香、剪得皮脆就更美妙！厚厚芝士層層疊疊，軟綿未有金黃流心較果，拼埋味濃麵包可口無投訴。
邪惡芝士肉醬熱狗，麵包硬硬不軟塾不高興，香就幾香噴噴。熱狗腸色香咊味一向好穩定，脆皮熱熱多汁欲滴，肉香甜不咸濁。芥辣茄汁千年來都是天作之合，加埋微量肉醬及雙倍芝士進化成美味佳餚是也。
蜜糖牛油芝士熱狗，樸實的味道組合，燒烤派對畫面立即在腦海浮現。牛油蜜蜜續層續層塗在麵包在碳火上慢烤，讓她們溶化吸收，還有烤麵包香。脆皮腸劏開夾著芝士，不過未夠溶化，煙燻肉腸黎喎。
一口西冷牛瑞士汁炒腸粉，熱到燙手極有鑊氣！焦香豉油腸粉彈彈，招牌一口西冷穩陣，全熟充滿彈性及肉汁，牛甜味跟醃味平衡發展，互相輝映！依隻廣東味道似層相識？對了對了，乾炒牛河是也！立即掏出史拉差蒜味辣椒醬，就係依隻味喇！酸辣咸並重，蠻喜歡勁開心！
雞扒牛肝菌汁炒腸粉，煎雞扒不肥美不彈滑不噴汁，韌韌雞皮，乾硬雞肉，醃得偏咸。如果切成粗條雞柳同炒，可能效果會更好。反而腸粉配牛肝菌汁味道非常美味！炒功了得，熱騰騰嫩滑濕潤，香口有鑊氣，只是落味較為重手，略咸。越食越咸、越凍越咸！上層腸粉還可以，下面完全被汁淹沒的真是吃不消！嘗試加入酸辣史拉差辣椒醬，添了點酸辣但更加咸，未能將原本的咸味減輕，失敗！真心可以得到 5 粒星的，奈何調味及雞扒失準，最盡只可以比到 3 粒啊。
豬扒秘製辣汁炒腸粉，要找緊時間盡快享用，否則腸粉不再嫩滑濕潤緊緻。辣汁有著非常非常熟悉的感覺，到底是什麼底蘊呢？其實只是微弱的辣感，甜醬油稍強，所以不能辣的食家都不需要卻步喇，但我可能要加兩三倍辣度。真煎豬扒有誠意，不是用炸爐速成，原汁原味純天然豬甜味豬質地，鬆軟不硬不韌落味可口跟著焦香細味，做得好！
雞絲煙鴨胸咖哩汁炒腸粉，雞絲其實係雞扒切絲，方便過成塊雞扒置頂既，各有各好。原塊雞扒當雞原汁原味肥美多汁，雞絲就方便進食。串起雞絲鴨胸腸粉一次過享用，三種感受三倍幸福。煙鴨胸厚薄得宜，皮脆肉彈，不太咸有煙燻焦香。底部有點油，應該係鴨胸油。咖哩味不太突出，腸粉搭著肉一齊入口較好味。
1
1
1
