莆田 主打福建菜, 將軍澳店裝修精緻和諧、清雅唔俗套, 坐得好舒服！
茗茶有多款選擇, 點了 枸杞胎菊茶 有溫純菊花香味, 明目清熱去濕！
福建海蠣煎 $119
當造海蠣 隻隻都新鮮肥美 size適中, 口感煙韌似煎蛋餅, 不油不膩！
海帶苗排骨湯 $98
選用海帶苗口感特別細緻, 滾起啖湯清甜暖胃, 冬天飲啱曬！排骨帶肉軟綿綿, 小朋友特別喜歡！
莆田荔枝肉 $88
似平時的咕嚕肉, 換上荔枝味道帶甜少酸, 香脆惹味！
軟煎黃花魚 $188
先炸後煎再醬汁燜煮, 工序繁複非常入味, 外脆內軟, 又不失黃花魚的新鮮幼滑肉質口感！
石鍋滑豆腐 $88
石鍋烹調上碟香噴噴丶熱辣辣, 豆腐細嫩幼滑加上濃郁醬汁, 送飯一流！
