蘇記流心燉蛋專門店

作為孕媽媽嘅我，出街食嘢都特別小心。好想食甜品，但係又驚啲嘢太高糖份。想食燉蛋，但係又驚佢煮唔熟。
呢度嘅熱蛋白燉鮮奶係即叫即整，師傅見到我大腹便便，好細心，知道我唔可以食流心，要全熟。
食落去感覺非常良好，因為知道佢冇另外加糖，材料只有蛋白同埋奶，感覺好健康。蛋同奶有BB需要嘅營養，同時又可以滿足我想食甜品嘅慾望😊
整體甜品做得啱啱好，唔會太實，雖然叫咗全熟但係依然好滑，味道好香濃，感覺無添加，起碼自己食得放心。