夢工房西日料理 (Closed)

因為媽咪生日，所以想帶佢去食放題。諗左好耐食邊間好，發現左呢間有生日八八折，所以就帶咗媽咪去食。開始嘅時候，我哋點左啲壽司，發現啲壽司細細件，好容易入口。因為細件，所以可以食到好多件，試晒唔同嘅壽司。之後再叫咗啲炸物，都覺得唔錯，而且呢個價錢來講，算係多選擇。特別推介雞軟骨串燒、炸香蕉同埋壽司。喺香港好少食到炸香蕉，而呢個炸香蕉係外脆內軟，口感真係好好。鍾意食香蕉嘅人，一定會瘋狂食。食完之後，全家人都覺得好抵。