城中小閣 (Closed)

新派中式小菜，味道不俗，賣相ok。食物唔算太濃味，食完唔會好口渴，其中一道日本南瓜炒豬頸肉，我媽咁難服侍都話好味，個姬松茸燉湯好好飲，想要一盅就要提早訂定。侍應服務態度好，尤其其中一位女職員（貌似經理/部長嗰類），上次佢知道我媽媽生日，幫我哋唱生日歌之餘，仲提我哋4個人叫5個壽包，因為4字唔好意頭，好貼心！席間細佬嗌咗3支細甜酒，職員會主動過嚟幫手酙酒，好醒目。日本南瓜炒豬頸肉冰鎮鮑魚燒味拼盤荷葉飯壽包好味，唔會太甜。