Video
Read full review
2016-10-26
621 views
今次慶祝媽媽生日，所以帶佢黎試試呢間韓燒，全費由我出黎孝敬媽媽。當日人流算多，不過好彩因為我地一早訂左位，所以一去到就已經有位，等都唔洗等~坐到埋位店員就馬上準備好前菜，有泡菜、芽菜、菠菜，味道上沒有太多特別之處，泡菜不算太辣，反而正合自己口味，不過泡菜都係要辣辣的先夠過癮！仲有一舊白色既蘿蔔，係我地討論緊係咪拎黎食之際，店員再三叮囑我地呢個係用作洗鐵板，唔食得架！真係少見少聞。鐵板都係好新好乾淨，上面有個大大抽油煙，店員拉落黎指唔好郁個抽油煙管，等佢好好吸走哂油煙令環境冇咁油。座位都係可以放雜物既置物櫈，近年都係好流行呢D多功能用具，對於韓燒店黎講算係不錯，可以防止衣物隨身物品都沾上韓燒既油煙味。每一個爐只有一隻夾，我覺得如果可以多提供一隻就比較好，生與熟的可以分開夾，比較衛生。首先係出面就拎左至愛既Lotte忌廉溝牛奶，任拎任飲，基本上市面韓系飲品都有，飲幾多就拎幾多喔！店員指因為晚市滿4人就可以送一客芝士年糕部隊鍋或韓式海鮮煎餅，我地就選左韓式海鮮煎餅，對於我地黎講芝士年糕部隊鍋份量未免太多，緊係留番個肚食其他好。韓式海鮮煎餅有D蔥有D魷魚，外圍燒得好香脆，而裡面食落煙煙韌韌，味
坐到埋位店員就馬上準備好前菜，有泡菜、芽菜、菠菜，味道上沒有太多特別之處，泡菜不算太辣，反而正合自己口味，不過泡菜都係要辣辣的先夠過癮！仲有一舊白色既蘿蔔，係我地討論緊係咪拎黎食之際，店員再三叮囑我地呢個係用作洗鐵板，唔食得架！真係少見少聞。
鐵板都係好新好乾淨，上面有個大大抽油煙，店員拉落黎指唔好郁個抽油煙管，等佢好好吸走哂油煙令環境冇咁油。座位都係可以放雜物既置物櫈，近年都係好流行呢D多功能用具，對於韓燒店黎講算係不錯，可以防止衣物隨身物品都沾上韓燒既油煙味。
每一個爐只有一隻夾，我覺得如果可以多提供一隻就比較好，生與熟的可以分開夾，比較衛生。
首先係出面就拎左至愛既Lotte忌廉溝牛奶，任拎任飲，基本上市面韓系飲品都有，飲幾多就拎幾多喔！店員指因為晚市滿4人就可以送一客芝士年糕部隊鍋或韓式海鮮煎餅，我地就選左韓式海鮮煎餅，對於我地黎講芝士年糕部隊鍋份量未免太多，緊係留番個肚食其他好。
韓式海鮮煎餅有D蔥有D魷魚，外圍燒得好香脆，而裡面食落煙煙韌韌，味道上唔會太濃味，如果鍾意食重口味既朋友就要點配料醬增強味道，不過口感上自己的確幾喜歡呢種煙韌既感覺！講開醬油，醬油不會一盤放在檯上比客人用，而係需要自行係出面公家位置自取，一般有豉油、辣椒醬、豆瓣醬、麵豉醬等等，唔知道既朋友可能仲以為點解一間韓燒店冇醬料提供，難道係齋燒齋食？
我反而覺得咁樣更加環保，始終一盤一檯太浪費來到主食部分，點少得牛豬必食燒肉呢？
肥牛啊，牛柳粒呢D都係我至愛，呢到亦有唔少豬肉類，其他亦有海鮮以至羊脾與羊西冷，照顧不同朋友的愛好。
肥牛片切得好薄，薄薄一片，肥與肉的比例剛好，太肥則膩，太瘦則鞋身，因為薄身既關係所以好快就熟哂。
牛類普遍都唔錯，牛味夠，而雪花牛仔肉亦係我至愛，調味甜甜地再加上本身牛味，軟身咬落去好好味，唔肥冇筋係牛食必備條件之一，所以這個是必點！
由於人多關係，我地一次過點左好多，一盤的雞翼與豬牛雞，馬上就被清光光，調味不錯的新鮮肉類，一家人都很喜歡。
食左咁多肉都一定要食下蔬菜類，我地叫左D生菜，可以包住D肉黎食，DIY一個生菜包
夾著喜歡的肉，帶有D肉本身既調味，加上爽脆的生菜，烚烚聲，每人手上都一塊生菜一塊肉。
海鮮方面我地都試試扇貝、大蝦、龍脷柳、帶子、魷魚圈，感覺都算新鮮，不過自己覺得魷魚圈略為不夠味道，但係咬感好軟，一D都唔韌！
甜品自己同屋企叫左個朱古力刨冰齊齊些牙，入面朱古力漿與朱古力粒粒碎，仲有D綿花糖同原味爆珠，幾過癮，食埋粒雪米糍就更加正，可惜只有一粒唔夠喉7點前入座每位連加一都係250蚊，都算抵食
Post
