雞蛋仔絕對係香港街頭特色小食之一，同時亦係我放工醫肚既恩物，用既材料雖然廉價，製作過程看似簡單，但要整得好味絕對有一定既技巧。今日終於有幸試到連續四年榮獲「米芝蓮街頭小食」推介既媽咪雞蛋仔。
🐻 原味雞蛋仔 $20
「媽咪雞蛋仔」既雞蛋仔同格仔餅都係即叫即整，落完order大約等10-15分鐘。二話不說先黎一底原味雞蛋仔先，拎上手已經聞到陣陣蛋香，忍唔住要即刻試下，金黃色既外層，外脆內軟，粒粒都充滿蛋醬，絕冇空心。
🐻 紫薯蕃薯雞蛋仔 $32
今個秋冬「媽咪雞蛋仔」推出咗期間限定，其中一款紫薯蕃薯雞蛋仔，對於紫薯控既我緊係唔可以錯過。每粒雞蛋仔都充滿住紫薯同蕃薯，紫薯口感比較粉糯，而蕃薯就富有口感，兩者互相融合，絕對係perfect match。
🐻 柚子蜂蜜梳打（跟餐$23）
🐻 檸檬蘆薈蜜梳打（跟餐$23）
最後我每底蛋糕仔都轉做套餐加野飲，岩晒食完雞蛋仔口乾乾既我。
