六安居

Open Now

Now Closed

上次行海味街經過呢間酒樓，已經bookmark咗，之後有報道介紹呢間酒樓啲點心係自家製，所以就去試吓差唔多九點半左右到，排隊搭升降機上，見到有二樓三樓，唔知㩒邊層好，有位先生話兩層都得，二樓多嘢食出先之後先上三樓，我哋二樓出自己搵位嘅，行完一圈都冇位，侍應叔叔話上三樓啦。唯有行樓梯上一層，終於有位冇耐姐姐推點心車嚟啦，好多遊客見到點心車就行去睇吓有咩點心，好熱鬧柴魚花生粥～嘩！有卜卜脆㗎好夠熱，味道都唔錯。雞扎～好香雞油味，入面有雞件冬菇同魚肚咖喱魷魚～咖喱香唔係好辣，魷魚唔韌魚翅餃～好耐冇食過，入面有粉絲蔬菜絲好爽口山竹牛肉～好軟身冇馬蹄粒同冇筋平時我同媽咪都係食四樣點心，唔知係咪氣氛帶動下加上食物夠熱，已經叫咗五樣，媽咪仲想叫腸粉，我話已經好飽啦，下次再嚟食過啦！