豚王 (Moved) New Location

之前聽說凪係香港開咗間分店，係日本渋谷總店食過嘅我當然要去香港分店試吓做個比較。總括來說，日本渋谷總店比香港分店無論賣相同味道都比較優勝，但係以香港拉麵嚟講已經好有水準！先講賣相，日本總店叉燒嘅色澤比香港店嘅吸引，睇落比較嫩滑。唔知係咪心理作用，其他配料嘅放法，日本總店果碗都好似比香港果碗較用心同較有誠意。同埋因為香港店唔係用日本蔥嘅關係，蔥粒睇落都冇咗個日本feel。至於味道，香港嘅湯底好似冇日本果碗咁濃，但係都有日本八九成水準，做得不錯。至於叉燒就不過不失，我始終比較喜歡厚切果種同有入口即溶嘅叉燒多些。麵係我比較喜歡嘅幼麵，聽說香港嘅麵同日本嘅用料同做法係唔同，但係我食唔出太大分別，兩個都咁好食不過中環店食真係比較熱咗D，碗麵已經熱，仲要大熱天時，食完真係好似焗完桑拿咁 但係係香港嚟講，豚王已經係超晒班同埋比較正宗，就算要等位都係值得嘅！