燒烤堂喺香港開咗3年多，最近仲喺荃灣開新分店。出名多款式，超過100款串燒，有齊豬、牛、雞、羊、鴨、海鮮、蔬菜，連甜品都有🍡！重點係日、泰、港、川等等多國口味通殺，keep住新鮮感，每嚟一次都搵到新驚喜。最鬼鍾意「焦糖青蘋果鵝肝多士」、「鹽燒原塊雞皮」、「汁燒三黃雞氣管」、「鹽燒鮮三黃雞腿肉」、「鹽燒阿波羅七里香」同「芝士黑醋無花果」，全部都係師傅自家製，手功十足，一咬爆汁勁滿足！🐷🐓🐟
「焦糖青蘋果鵝肝多士」-- 外面一層焦糖脆皮，加上微酸青蘋果，中和咗鵝肝嘅油香，同底層多士一齊咬落去，層次爆燈，絕對係邪惡必食No.1！🍏🦆
「芝士黑醋無花果」-- 呢個配搭真係好特別，我哋開頭都唔敢試咖，諗緊隻味會唔會好怪呢？又黑醋又芝士咁樣好奇怪喔，點知食落真係無得頂，直頭想再encore，香甜無花果啖啖天然甜味，黑醋有啲點睛，撈埋啲芝士粒一齊食，仲帶點鹹香感，鹹甜酸三重奏，女仔一定鍾意！🧀🍇
「汁燒三黃雞氣管」 -- 第一次食呢個部位，個感覺好得意，外層微焦，食落啖啖都脆脆地，口感爽脆，呢個都係我會encore嘅串燒之一！
「鹽燒鮮三黃雞腿肉」-- 皮脆肉嫩、肉汁多，鹽香慢慢滲出嚟，好有日式燒鳥feel，食到雞味超濃郁，每次嚟都秒殺！🍗
「鹽燒阿波羅七里香」-- 呢個部位特別香濃又嫩滑，食落有層次。加少少鹽一齊燒，香味更突出，啱晒愛食雞唔怕刁鑽嘅朋友！🐔
想食高質又抵食嘅串燒，我覺得嚟「燒烤堂」絕對唔會錯！約埋成班fd一齊嚟就最開心啦🔥✨[
IMG:2][
IMG:4][
IMG:6][
IMG:8]
