放工累累的，就同閨蜜約好食個簡單飯，就去做Spa，結束辛勞的一天。
Tex Mex位於佐敦地鐵站附近，行幾步路（一兩個街口咁啦）就到，
一開始見到門口係Curry Leaf以為食印度野啦，點知內有乾坤，
朋友比我睇下個menu，頭一半果然係印度風情菜式，後面一半居然係食Pizza，
哈哈哈，真係好鬼馬！
先來個青蘋果嫩雞肉沙律 Apple and Chicken Sald（$108）
出乎意料地好食，雞肉非常嫩滑，青蘋果薄薄剛好可以抵消沙律醬既膩感。
閨蜜要飲啤酒，所以點少得炸魷魚圈 Calamari（$108）？
食得出魷魚圈係好新鮮唔韌，但粉就比較厚身。
好喇，黎到我最期待的Home-made Pizza！
天氣乍暖還寒，食個夏威夷薄餅感受下熱情的感覺先，
雞肉其實都係沙律的嫩雞肉，厚批/薄批可以隨你喜歡同餐廳提出，非常人性化。
整體而言，食物質素還可以，不過冷氣就大左DD，
印度老闆同侍應都招呼有禮貌，可以再來哦！
