唔知係咪疫情關係，2pm去到好好彩唔使等位，有坐到心儀嘅露天位，可以望住過海食，心情即刻靚晒，不過等咗好一段時間，都未見有人招呼，唔緊要啦，反正都係嚟chill，可以乘機慢活一下。又過了一陣，終於有個男仔過嚟招呼，問我「係咪落單呀？」我話「係呀」佢話「等一陣」，於是乎又等咗3分鐘，佢返嚟話：「唔好意思，可以落單啦」，於是乎我叫啦，叫到一半，佢又用對講機同出面啲人講咗陣嘢，然後話「唔好意思先生，正話你叫乜嘢話？」我頂吖，你究竟有冇用心招呼你嘅客人？
最後終於叫左個set lunch，幾坻食又幾好食，兩個頭盤，一個湯，再加一個主菜，再配飯或烏冬，都係$78（未計加一），仲附送一杯伯爵茶，不過送茶過嚟個女侍應又係大大力將杯茶放喺枱上，令我個感覺好似食緊茶餐廳咁🤦🏼♂️
其實成餐飯個整體感覺真係唔差，希望佢哋個服務可以做好啲，咁就Perfect啦！
