潮豐打冷

Open Now

Now Closed

是晚收工與家人食飯，家人說要到觀塘食打冷。打冷唔係應該要去九龍城咩⋯⋯好不明白但都跟來了。凍魚-200$好細條，有點貴但唔緊要啦最緊要味道唧，點知，味道都唔太值。第一 魚太細肉好痴魚皮，夾到一係散晒一係夾唔到 可能我要再練下啲筷子功夫。魚肉好硬，感覺擺左好耐，媽媽話下次會整條大啲，好食嘅比我食，唯有期待下啦叫左個拉盤，好似88。勁多肥肉係底，3件紅腸，少量鵝腸、魷魚，豬耳，好彩有芽菜，不然就太油了。呢個係三寶，我太蠢了叫錯野，不過係全晚最好食嘅，兩人都各叫一碗粥黎送佢，好味呀！花生好脆，反而最簡單的最好味，最平的最好味下次食三寶加粥就夠了