叉太郎 (Closed)

今日係灣仔收工，見到有間新開嘅外賣店，就買番屋企試下。佢地主打係叉燒，menu上有4種口味，不過我就揀左期間限定嘅松露叉燒，再配珍珠有機菜飯叉燒好香松露味之外，仲好淋，而佢又唔係肥肉黎嫁wor! 唔似平時食半肥瘦咁會好有罪惡感🙈而且叉燒同菜飯都好足料，叉燒有10零件，我覺得兩個女仔share 都好夠食👍🏻太郎美顏湯（+28），今次呢個係蟲草花雞湯，好鮮甜又勁大碗，我見到個碗真係o哂嘴，我諗差唔多有3個飯碗嘅量😂，一定要加錢飲！另外我仲加左個竹笙浸有機時蔬（+15），平時出街食飯真係好少菜，所以加埋個菜食下，又係勁大碗，好痴線😳仲要勁多竹笙🤤最後叫埋杯紅棗桂圓茶（+15），平時呢d養生茶都只係得熱，但呢到係有凍嘅，咁熱嘅天氣飲真係岩曬！店員仲同我講佢地呢個茶係無加糖去煲，真足料又健康😆😆值得一提係佢地個外賣盒設計得好貼心，只係買飯/叉燒嘅話唔洗再用額外嘅膠袋就外賣到👍🏻不過我買左咁多野食都係加左個膠袋🙈