Video
Read full review
2017-11-12
235 views
其實自己由第一篇文章分享已經講明分享喜而不是憂..但今回真係頂唔順..難得週末山長水遠同屋企人去探朋友,順便去下元朗食飯...點之...出!事!了!.參考OR,見到間餐廳都有成8X個笑笑樣...心諗就算做假...都唔會差咁遠ma,我只可以講今次"真中招"..所以點都好,就算幾攰都好,夜一夜都要盡己任,講事實比大家聽...我就係見咁多笑笑樣...擔心多人排隊,一早就打定去訂位,去到...結果係前半間鋪係"吉"...比多少少資料大家參考,果個位地理位置算正,因為YOHO系列新樓就係附近,大把年輕+消費到嘅新家庭..仲要我入座係講緊周日7:30pm...吉成咁都已經覺得怪怪,入咗門口,都要等咗好一陣餐廳職員大哥先理我地..仲要留座係門口附近位置,但明明裡面仲有位...諗返轉頭堅持坐入去係正確,免得同屋企人做咗人肉出板幫間餐廳做到好似好多人咁,而我起初都唔相信對呢間餐廳喊喊樣食客話餐廳職員態度差,但我敢投有關食客一票..有位職員大哥,叫得佢大哥就知佢勁,都唔知係佢先係客定我地..原先睇大家文章...信以為呢間店賣蟹系列係好,所以先吸引到我想同屋企人試,我諗都係上天好好,唔想我浪費錢+食野quo
參考OR,見到間餐廳都有成8X個笑笑樣...心諗就算做假...都唔會差咁遠ma,我只可以講今次"真中招"..所以點都好,就算幾攰都好,夜一夜都要盡己任,講事實比大家聽...
我就係見咁多笑笑樣...擔心多人排隊,一早就打定去訂位,去到...結果係前半間鋪係"吉"...比多少少資料大家參考,果個位地理位置算正,因為YOHO系列新樓就係附近,大把年輕+消費到嘅新家庭..仲要我入座係講緊周日7:30pm...吉成咁都已經覺得怪怪,入咗門口,都要等咗好一陣餐廳職員大哥先理我地..仲要留座係門口附近位置,但明明裡面仲有位...諗返轉頭堅持坐入去係正確,免得同屋企人做咗人肉出板幫間餐廳做到好似好多人咁,而我起初都唔相信對呢間餐廳喊喊樣食客話餐廳職員態度差,但我敢投有關食客一票..有位職員大哥,叫得佢大哥就知佢勁,都唔知係佢先係客定我地..
原先睇大家文章...信以為呢間店賣蟹系列係好,所以先吸引到我想同屋企人試,我諗都係上天好好,唔想我浪費錢+食野quota..想叫松葉蟹4食..職員聲稱無貨...但無貨..點解唔貼起餐牌?Anyway,已經有dd失落,但當時仲係好正念,一於叫下鍋物+其他居酒屋食物...點之.....叫了個所謂黑豚肉鍋,昆布湯底..黎到..可能太期待,忍唔住未渾都打開個 鍋...跟住..我就嘩咗出黎...所謂昆布湯底係一煲淨熱水...一塊昆布都無...................當時都嚇一嚇,心諗唔係ma,未加湯jar..叫職員問問,咁岩又係果位大哥過黎,我問:「唔好意思,係唔係未加湯?」,佢好cute咁話:「吓?你想加湯?」...佢轉個頭真係拎住壺湯好似人地打邊爐加水/湯咁,我話:「umum...呢個就係昆布湯?」佢答得好快:「係!!!」,我話:「一塊昆布都無?」,佢再好cute咁話:「喔,你要昆布..等一等」...跟住佢就搵個碗裝咗幾塊昆布倒入鍋...當下一刻...我就開始感覺到.....一股伏味...加上望住碟所謂黑豚肉片...肉片仲有層薄薄雪..當下一刻更加覺得..唔!係!ma!...我繼續正念,鍋一渾,即刻試試佢...片豬薄過張紙...食落口係完全無味,只有陣雪味...damn!!!比個鍋打一打激...打算其他食物會無事嘅...點之...日本餐廳常見既燒雞泡魚干,呢間餐廳係可以燒到燶黑晒...又硬..叫個鱆紅魚片...呢個菜黎到就真係無坤人..因為佢餐牌都寫到明"薄片"..但我諗果種薄真係非一般的薄...我依然抱住比多次機會佢,同埋想安撫屋企人...再叫了個清酒煮蜆同西京燒....點之......通通都係好!難!食!我之所以點,係覺得呢個菜式只要蜆夠新鮮,好難會出事...好可惜,真係出事了...無鮮味之餘,更over cook...而所謂既西京燒,係我同屋企人前所未試過咁難食,我地真係全份試咗一啖就頂唔順....,仁慈既天父爸爸,希望你明白浪費食物..唔係我地,係呢間餐廳..佢既廚完全係無心煮同浪費食材..
各位好對唔住,負能了...但試問好地地一個周未,難得同屋企人想開心下支持下小店...點之會換黎如此下場...其次好對唔住係,一時太餓,有些菜都無影食前相,只係到中段真心覺得好唔對路先補影...因為我唔想下一個會中招!!!如果大家唔信而又有大無畏精神可以去試下...大家再交流下,而再如果因為評呢間餐廳大盡呢篇post唔比出,我只可以感到可惜之外..亦只可以去別的平台把良心話同有緣人分享!
香港有好多日本餐廳...但食到一間又貴又咁差...真係未試過...我都真係夠好運....
真心覺得呢間餐廳無誠意之餘...仲愧對小店/日本菜+食物...
Post
