Video
Read full review
2015-09-10
2025 views
作為一個國際品牌, 究竟點樣先可以隊冧自己呢?方法好簡單, 就係聘請一班豬一樣的隊友!事源細佬之前都幫襯過老銅果間同一品牌餐廳, 平民化價錢, 平民化味道, 我都覺得可以接受~所以前晚去試下最近尖咀新開既同一品牌餐廳,一行兩人大約晚上8點10分到達攞飛, 2人枱30幾號, 當時已經叫到20號,Friday night出街食飯要等位是常識吧~! 所以我就默默咁等啦~等位都唔緊要, 但大約20分鐘後係有兩個姐姐仔行埋RECEPTION同個STAFF密密傾, 但全程冇攞過飛就行開左跟住就見個姐姐仔行埋一邊打電話隔左幾分鐘後, 有一個身穿廚師制服既鬍鬚仔行出黎, 同果兩個姐姐仔打個招呼, 再同RECEPTION個STAFF密密傾, 跟著最期待既畫面出現喇~!!!!!兩個姐姐仔就跟住STAFF慢慢地絲絲然地係我身邊經過, 仲用勝利者既步伐行入餐廳........呢一刻我真係有D火起, 不過我隔離果個拍拍我膊頭同我講, COME ON JAMES, 人地識人好辦事丫嘛~ OK, U WIN~! 如事者我又繼續等如事者60分鐘好快就過左, 我依然等緊, 叫飛亦差不多叫到我, 因為好多排我前面既人都走
方法好簡單, 就係聘請一班豬一樣的隊友!事源細佬之前都幫襯過老銅果間同一品牌餐廳, 平民化價錢, 平民化味道, 我都覺得可以接受~
所以前晚去試下最近尖咀新開既同一品牌餐廳,
一行兩人大約晚上8點10分到達攞飛, 2人枱30幾號, 當時已經叫到20號,Friday night出街食飯要等位是常識吧~! 所以我就默默咁等啦~
等位都唔緊要, 但大約20分鐘後係有兩個姐姐仔行埋RECEPTION同個STAFF密密傾, 但全程冇攞過飛就行開左
跟住就見個姐姐仔行埋一邊打電話
隔左幾分鐘後, 有一個身穿廚師制服既鬍鬚仔行出黎, 同果兩個姐姐仔打個招呼, 再同RECEPTION個STAFF密密傾, 跟著最期待既畫面出現喇~!!!!!
兩個姐姐仔就跟住STAFF慢慢地絲絲然地係我身邊經過, 仲用勝利者既步伐行入餐廳........呢一刻我真係有D火起, 不過我隔離果個拍拍我膊頭同我講, COME ON JAMES, 人地識人好辦事丫嘛~ OK, U WIN~! 如事者我又繼續等
如事者60分鐘好快就過左, 我依然等緊, 叫飛亦差不多叫到我, 因為好多排我前面既人都走左, 但之後10分鐘先係重頭戲, 我只好借WYMAN既詞, "一變四~四變十二~來到這裡更加諷刺", 我講緊既係, 原先走左既人慢慢返黎, 縱使佢張飛已經叫到過晒號碼, RECEPTION居然安排比佢地再打尖插隊先入座, 最爆既係10幾號都可以翻生插隊入先, 大佬~!10幾號喎~! 我攞飛果陣已經叫到20啦, 咁我攞張1號飛咪可以去逛完街睇完戲再返黎插隊都得? 呢個MOMENT我真係要爆, 即刻問RECEPTION妹妹平時公司會點樣安排詔晒號碼既客人, 妹妹答我通常會接受唔超過3個號碼優先再安排, 我聽完當堂"啤"一聲兼黑面, 妹妹都唔好意思, 講晒SORRY, 企係佢後面個應該係佢阿姐, 見咁惰況即埋黎解圍, 由於有幾枱客走左, 我都被安排入座, 時間係晚上9時30分左右
我點左以下食品:
新鮮青口魷魚墨汁意粉
10安士帶骨肉眼牛扒
風乾火腿配蜜瓜
等左咁耐位真係好X肚餓, 先上頭盤風乾火腿配蜜瓜, 算正常, 冇驚喜冇期待之作再上新鮮青口魷魚墨汁意粉, 一入口我堅想搵人出黎祭旗,
意粉冇墨汁味, 失敗~! 青口過熟, 失敗~!! D意粉仲未煮熟就上枱, 失敗~!!!
碟野咸到盲公都開眼, 失敗中既失敗~!!!!!!!!
最後上10安士帶骨肉眼牛扒, 一塊煎扒黎講真係好難可以整得難食, 一上枱見塊扒薄到得1CM就心知不妙, 我仲RODER左MEDIUM, 真係每邊放落鑊係咁易辣下已經攪掂, 我已經即刻將塊扒切開晒, 果然不出所料地OVERCOOK了........另一方面, 呢塊扒叫DRY AGED, 可惜我完全食唔出囉, 係咪DRY左兩日就叫DRY AGED先???
寫完食物寫環境, 新開張但聞唔到裝修味, 燈光昏暗, 樓底好高, 現場嘈吵到不到了, 以為自己去左CLUBBING場, 因為餐廳入面播既歌都係中快英文歌, 加上室內完全封閉, D音樂聲聚晒係入面, 導致其他客人要提高聲線講野, 嘈上加嘈, 我明白餐廳選擇行大眾化路線, 但都唔好用噪音趕客丫
總括黎講, 由餐廳環境, 食物質素, 服務態度都強差人意, 由開始到食完都一肚氣, 你都係第一間, 亦係唯一一間, 所以我決定開呢個ACCOUNT出黎寫衰你同唔伯再幫襯
完
Post
