Helen’s (Closed)

呢間西式酒吧我已經係第二次同朋友黎，覺得佢嘅格調好特別，所以再一次同朋友一齊光顧。呢度除咗飲酒之外亦都有得玩骰盎，但係呢度係非吸煙區，所以空氣清新冇人喺度食煙。我朋友叫咗一枝墨西哥嘅啤酒，叫Corona，飲用嘅時候先需要將個檸角，擺去邊一齊飲別有一番風味。未叫嘢食之前，枱上已有乾果提供，夠晒大兜。我朋友有啲口乾，所以都叫咗另外一杯自家製雞尾酒，呢杯雞尾酒都叫做古桑迪，成份係使用日本柚子同埋新鮮嘅紫蘇葉，口感夠晒清爽。飲用嘅時候亦都唔會有太強烈嘅酒味道，適合女士或者年輕一族Chill Chill就最適合。再配合埋其他小食，真係非常滿足。