Video
Read full review
2014-09-15
2969 views
由於慶祝我好朋友生日，所以我一早訂定位，雖然生日嗰位朋友仔係有嚴重選擇困難症，但總算揀到~ 先講呢個糖醋小排骨，真係好有肉味嘅感覺，真係齋口唔齋心，而且醬汁好濃，不過我地幾個覺得份量都幾多，所以建議5-6位先好叫~ 呢個日式炒烏冬真係好好食，我個人好推介，因為唔係太油膩，雖然所謂嘅海鮮只係啲蟹柳咁大把，不過成個烏冬都炒得好夠鑊氣!呢個芋頭魚其實都幾乾身，而且唔大條，對比起大嶼山同粉嶺嘅齋舖都細條，而且芋頭肉不算太多，不過五柳醬好吃，唔會太「希」，不過都係建議大家唔使食都okay~呢碟野其實好悶，因為真係好清，但值得一讚係啲露筍唔老，因為露筍呢家野真係好容易老，其他啲配料都係好清，成碟野真係清心寡「肉」....呢個桂花翅本人覺得麻麻，用嚟點嘅醋味道好奇怪，送飯okay~ (不過我當晚無送飯) 呢碟百頁豆腐睇得出有心機切，上面啲黃耳同菜心都幾好食，不過我唔太想encore~又係豆腐啊~ 我一早已經講左，我朋友真係選擇困難，大家都見到啦~ 不過呢個疑似翠塘豆腐真係好滑，上面啲配料配埋啲豆腐好好食。呢個綠豆布甸，啲侍應個個來到都問我地留唔留定，我班朋友講到明食飽唔會同我食，但我見佢地咁有誠意推
先講呢個糖醋小排骨，真係好有肉味嘅感覺，真係齋口唔齋心，而且醬汁好濃，不過我地幾個覺得份量都幾多，所以建議5-6位先好叫~
呢個日式炒烏冬真係好好食，我個人好推介，因為唔係太油膩，雖然所謂嘅海鮮只係啲蟹柳咁大把，不過成個烏冬都炒得好夠鑊氣!
呢個芋頭魚其實都幾乾身，而且唔大條，對比起大嶼山同粉嶺嘅齋舖都細條，而且芋頭肉不算太多，不過五柳醬好吃，唔會太「希」，不過都係建議大家唔使食都okay~
呢碟野其實好悶，因為真係好清，但值得一讚係啲露筍唔老，因為露筍呢家野真係好容易老，其他啲配料都係好清，成碟野真係清心寡「肉」....
呢個桂花翅本人覺得麻麻，用嚟點嘅醋味道好奇怪，送飯okay~ (不過我當晚無送飯)
呢碟百頁豆腐睇得出有心機切，上面啲黃耳同菜心都幾好食，不過我唔太想encore~
又係豆腐啊~ 我一早已經講左，我朋友真係選擇困難，大家都見到啦~ 不過呢個疑似翠塘豆腐真係好滑，上面啲配料配埋啲豆腐好好食。
呢個綠豆布甸，啲侍應個個來到都問我地留唔留定，我班朋友講到明食飽唔會同我食，但我見佢地咁有誠意推介，我就姑且一試，佢地仲好貼心咁分左3份俾我地，老實講，我覺得所有食物分單數係一件難事，但佢地真係好好心。講返個布甸，真係唔錯，綠豆味重，而且好彈口，唔係講笑，真係推介。
Other Info. :
溫馨小提示：真係逢初一十五唔好嚟，大家book之前要睇農曆
(The above review is the personal opinion of a user which does not represent OpenRice's point of view.)
Post
