麵賜園 (Closed)

早排係女人街上完堂諗緊食咩，見到對面馬路呢間「麵賜園」，睇樣都似係新開，menu上面啲菜式名都好得意，配搭好似幾正咁，於是就入左去試。諗左好耐決定食：🥢好鬼補雞湯麵$78☕️熱鐵觀音烘焙茶(free)好鬼補雞湯麵有花膠、魚肚、北菇、雞柳，好足料，花膠大大隻，魚肚又有3、4塊，雞柳醃得好味又唔嚡，最緊要雞湯夠濃，好飲到我成碗清晒。跟麵有個麻辣木耳，但我冇食到，因為唔想破壞個清湯味🥺希望將來會有唔搶味既配菜揀。臨食完有店員行埋嚟問要唔要試下佢地既鐵觀音，送杯比我試下，咁我揀左熱茶，好香烘焙味，有啲似以前去潮洲酒樓食完飯個碗好濃既功夫茶，為我既午餐劃上句號😋