李圓圓 (寶安大廈) (Closed)

呢排放假周圍去，每日都係玩玩玩...唔知係唔係真係好攰，妹妹瞓左，鞋仔跌左冇人知....最後唯有去花園街行下買返對鞋俾妹妹。黎得花園街緊係要掃街，珍珠奶茶一定唔少得。近排愛上飲黑糖珍珠奶茶，見到呢間李圓圓既Top 5銷售其中四樣都係黑糖珍珠飲品，緊係要試下。今次試左黑糖珍珠鮮奶2.0同埋冬瓜鮮檸檬店員姐姐仲好細心教我地點樣飲呢杯飲品，絶對唔係亂攪就飲得。黑糖珍珠鮮奶2.0甜度Set定左冇得改，不過其實佢唔算太甜，我覺得都可以接受，黑糖珍珠黑糖味真係好香好好味。冬瓜鮮檸檬飲落就係冬瓜茶咁，清清地又健康，可以下次黎👍🏻👍🏻